Raportohet se një djalë në Prishtinë dhe një vajzë në Fushë Kosova janë raportuar të zhdukur.
Sipas Policisë së Kosovës, për rastin në Prishtinë, një grua ka njoftuar se djali i saj ka dalë nga shtëpia dhe nuk dihet për vendndodhjen e tij, transmeton KosovaPress.
“Prishtinë / 22.02.2025 – 17:40. Më 04.03.2025 ankuesja femër kosovare ka njoftuar Policinë se djali i saj ka dalë nga shtëpia dhe nuk dihet për vendndodhjen e tij. Rasti është duke u hetuar nga njësitë policore”, thuhet në raportin 24 orësh të policisë.
Ndërsa, për rastin në Fushë Kosovë, dje një grua ka raportuar në polici se vajza e saj është larguar nga shtëpia dhe nuk dihet asgjë për vendndodhjen e saj, transmeton KosovaPress.
“Fushë Kosovë / 25.02.2025 – 16:00. Më 04.03.2025 ankuesja femër kosovare ka raportuar se vajza e saj është larguar nga shtëpia dhe nuk dihet asgjë për vendndodhjen e saj”, thuhet në raportin e policisë.
Sipas policisë rasti është duke u hetuar nga njësitë policore.
