Në Gjykatën Themelore të Prishtinës sot ka vazhduar dhënia e mbrojtjes së të akuzuarit Nexhat Vllasaliu, i cili bashkë me vëllain e tij, Jetonin akuzohen për vrasjen e biznesmenit Bedri Rexhepi në vitin 2021, për shkak të përvetësimit të dobisë pasurore.
Seanca e sotme gjyqësore vazhdoi me pyetjet e mbrojtësit të palës së dëmtuar, Besnik Berisha karshi të akuzuarit, Nexhat Vllasaliu, raporton KosovaPress.
Avokati i palës së dëmtuar, Besnik Berisha ka vazhduar të ballafaqojë të akuzuarin Nexhat Vllasaliu me deklaratën e dhënë në Prokurori, ku sipas Berishës i akuzuari ka deklaruar se kanë shkuar në fshatin Vllasali së bashku me Jetonin dhe atë në shtëpinë e tij, duke i kërkuar të deklarojë se cili është versioni i vërtetë.
Berisha më pas ka pyetur Vllasaliun rreth deklarimeve të dhëna në hetime, e të cilat i ka ndryshuar në gjykim.
Kryetarja e trupit gjykues Medie Bytyqi tha se seanca e radhës mbahet më datën 3 prill, duke filluar nga ora 13:15. Seanca e kaluar për këtë rast ishte ndërprerë për shkak të gjendjes jo të mirë shëndetësore të kryetares së trupit gjykues, Medie Bytyqit.
Në tetor 2022, Prokuroria Themelore e Prishtinës kishte ngritur aktakuzë ndaj Jeton dhe Nexhat Vllasaliu për vrasjen e biznesmenit Bedri Rexhepi.
Lajmi i plotë në sistemin me parapagim.
Marketing
Video
