Ubisoft hodhi në treg video lojën Assassin’s Creed: Shadoës më 20 mars, dhe brenda dy ditëve, loja arriti mbi 2 milionë lojtarë nëpër platforma. Sipas njoftimit të Ubisoft, kjo arritje kalon performancën e lansimeve të kaluara, Assassin’s Creed Origins dhe Assassin’s Creed Odyssey.
Nuk ka një arsye të vetme që ka kontribuar në sukses, por është një grumbull faktorësh, sipas Business Standard.
Arsyeja e parë dhe më e rëndësishme pas suksesit është pritshmëria e pafundme e shkaktuar nga vonesat në lançim. Pritshmëria që kishin fansat e Assassin’s Creed rritej me çdo vonesë që shpallte Ubisoft. Imazhet qesharake dhe diskutimet në platformat si Reddit e mbajtën pritjen gjallë dhe kur loja u lëshua, ata nuk mund të prisnin më për ta provuar, .
Entuziazmi për të parë grafikat e përmirësuara në PlayStation 5 Pro gjithashtu luajti një rol në këtë sukses. Përveç kësaj, Ubisoft shpalli disa dhurata që tërhoqën më tej lojtarët për ta provuar këtë lojë sa më shpejt. Sipas një raporti nga Gaming Bible, Ubisoft shpalli tre objekte që mund të fitoheshin përmes Twitch për Assassin’s Creed Shadows, konkretisht – Spirit Headband, Spirit Kosode dhe Oath Tanto. Shkarkimet pritet të rriten më tej pasi këto objekte ekskluzive mund të merren deri më 25 mars, pas të cilës do të zhduken përherë.
Sa i përket përdoruesve të PlayStation Stars, për tre muajt e ardhshëm, ata mund të fitojnë dy trofe koleksionuese të Assassin’s Creed Shadoës duke përfunduar disa sfida në lojë, transmeton KosovaPress.
Ndoshta një nga arsyet më të mëdha të suksesit është dashuria për këtë seri. Lojtarët e kanë vlerësuar serinë dhe ky pëlqim mund t’i ketë bërë ata mjaft kureshtarë për ta provuar vazhdimin e fundit.
