Tottenham u dërgoi një email mediave kryesore britanike dhe botërore me një kërkesë të pazakontë.
Ata këmbëngulin që mediat të mos i quajnë “Tottenham”, por “Tottenham Hotspurs” ose “Spurs”.
Edhe pse ata kanë pasur një kërkesë të ngjashme që nga 2011, kjo nismë vjen si pjesë e fushatës së riemërtimit të klubit gjatë dy sezoneve të fundit.
Synimi është përcaktimi më i qartë i identitetit të klubit, veçanërisht ndaj tregut të huaj.
Siç shkruajnë anglezët, klubin e shqetëson fakti që “Tottenham” i referohet një lagjeje në Londër, ndërsa “Hotspur” është emri i vërtetë i klubit.
Pritet që në të ardhmen, në ekran të mos shfaqet shkurtesa “Tott” gjatë transmetimeve të Premier Ligës, por “Spurs”.
“Ju lutemi referojuni klubit kryesisht si Tottenham Hotspur, me Spurs që është versioni i shkurtuar i preferuar. Është një marrëveshje klubi që ne nuk i referohemi vetes si Tottenham”, thuhet në email.
