Një grup i tifozëve ultras të Juventusit kanë marshuar mbrëmë drejt hotelit të skuadrës, duke protestuar ndaj trajnerit, ekipit dhe drejtuesve, shkruan KosovaPress.
Lojtarët e Juventusit duhet të presin një ambient toksik në “Allianz Stadium” këtë mbrëmje, kur do të presin Hellas Verona në ndeshjen e fundit të Serie A të raundit të 27-të.
Ultrasit e bardhezinjve kishin paralajmëruar një protestë para dhe gjatë ndeshjes dhe e mbajtën fjalën të dielën në mbrëmje kur marshuan drejt hotelit të skuadrës për të treguar zhgënjimin e tyre me rezultatet e këtij sezoni, përcjellë KosovaPress.
Videot e shpërndara në internet nga “Ilbianconero.com” tregojnë një grup ultras të Juventusit që mbërrijnë në hotelin e skuadrës pranë stadiumit ndërsa mbajnë një pankartë që lexon, “Ne jemi Juventusi”.
Ultrasit madje ofenduan trajnerin Thiago Motta, duke e quajtur atë një “copë m…”
Asnjë përfaqësues i Juventusit nuk ka takuar ultrasit mbrëmjen e djeshme, por protesta e tyre do të vazhdojë edhe gjatë ndeshjes së sotme ndaj Veronës.
Iniziata la contestazione all’esterno del #JHotel: i tifosi ⚪️⚫️ ora in marcia verso il ritiro pic.twitter.com/uZ5Uynb0vz
— ilBiancoNero (@ilbianconerocom) March 2, 2025
