Dy persona me origjinë shqiptare janë përfshirë në një përleshje të përgjakshme në Selanik.
Incidenti ka ndodhur mbrëmë në kryqëzimin Chrysostomou-Papagou, ku dy personat janë përplasur për arsye ende të panjohur, duke u ther me thika.
Kalimtarët i kanë pikasur të gjakosur në një distancë të shkurtër nga njëri-tjetri dhe kanë njoftuar shërbimet e urgjencës.
Ambulancat kanë mbërritur në vendngjarje dhe kanë transportuar të plagosurit në Spitalin AHEPA, raporton GR Times, përcjell KosovaPress.
Burimet raportojnë se gjendja e njërit prej të dyve është kritike. Policia ka nisur hetimet për zbardhjen e rrethanave të ngjarjes.
