Të paktën 70 persona u vranë dhe dhjetëra të tjerë u plagosën gjatë përplasjeve mes autoriteteve të reja të Sirisë dhe militantëve besnikë të Bashar al-Assad, në përleshjet më të rënda që nga rënia e regjimit të Assad, raporton The New York Times.
Luftimet shpërthyen në provincat Latakia dhe Tartous, bastione të Assad në bregun mesdhetar të Sirisë, pas vrasjes së 16 punonjësve të sigurisë nga besnikët e Assad. Mijëra protestues mbushën rrugët e Latakia dhe Tartous, duke kërkuar që forcat e qeverisë të tërhiqen nga fshatrat përreth, në protesta masive kundër autoriteteve të reja që morën pushtetin në dhjetor, transmeton KosovaPress.
Qeveria dërgoi trupa shtesë për të rivendosur rendin dhe shpalli operacione për pastrimin e mbetjeve të regjimit të Assad. Tensionet e ngritura janë bërë një test i madh për liderët e rinj të Sirisë, ndërsa shumë mbetje të regjimit refuzojnë të dorëzojnë armët. Luftimet e natës shpërthyen pas një sulmi në Beit Aana, ku militantët tendosën një konvoi të sigurisë, duke shkaktuar vdekjen e të paktën 16 personave të sigurisë. Protesta shpërthyen në disa qytete, disa mbështesnin qeverinë dhe disa kërkonin tërheqjen e forcave të saj.
