Pas përfundimit të muajit të madhëruar Ramazan, sot kremtohet dita e parë e festës së Fitër Bajramit.
Manifestimi qendror mbahet në Xhaminë e Madhe në Prishtinë, në orën 05:41, me faljen e namazit të sabahut, të cilit do t’i prijë Hetem Sopjani, pas të cilit do të jetë ligjërata tematike kushtuar kësaj feste nga Agim Hyseni – anëtar i Kryesisë së BI-së së Kosovës, transmeton KosovaPress.
Namazi i Fitër Bajramit falet në orën 06:59, të cilit do t’i prijë Vedat Sahiti – kryeimami i BIK-ut. Hytben e Fitër-Bajramit do ta mbajë myftiu Naim Tërnava, i cili do t’i drejtohet opinionit me një mesazh për këtë festë, raporton KosovaPrerss.
Ndërsa Kryesia e BIK-ut organizon pritjen tradicionale në selinë e Kryesisë nga ora 9:00-12:00.
Fitër Bajrami është një ditë e festimit, e gëzimit e paqes dhe mirëkuptimit, tolerancës dhe solidaritetit me njëri-tjetrin.
/KosovaPress/
