Shkencëtarët skocezë më 22 shkurt 1997, njoftuan klonimin e suksesshëm të një qengji të quajtur Dolly, me kontributin e tri deleve nëna, një me vezë, tjetra me ADN dhe e treta kishte mbajtur në fetus embrionin e klonuar.
Lindja e Dollyt më 5 korrik 1996, u mbajt e fshehtë derisa Instituti Roslin publikoi punimin e tij kërkimor.
Dolly filloi jetën e saj si një qelizë e vetme në një epruvetë. Bërthama u mor nga një qelizë nga gjëndra e qumështit të një deleje Finn Dorset dhe u vendos në një qelizë vezë të zbrazët nga një dele skoceze Blackface. Pasi zhvillimi normal u konfirmua në laborator për gjashtë ditë, embrioni u transferua në një nënë surrogate.
Dolly e kaloi gjithë jetën e saj duke jetuar në një tufë delesh në Institutin Roslin. Ajo kishte gjashtë qengja – Bonny, Sally, Rosie, Lucy, Darcy dhe Cotton. Dolly u prek nga artriti dhe më 14 shkurt 2003 u vu në gjumë për vdekje, për shkak të sëmundjes progresive të mushkërive.
Shkencëtarët që klonuan Dollyn, shpallën në vitin 2007 se teknika e përdorur në rastin e Dollyt nuk mund të jetë e efektshme për klonimin e njeriut.
Klonimi i gjitarëve është provuar joefikas. Dolly ishte e vetmja mes 277 përpjekjeve që mbijetoi dhe arriti të jetojë deri në moshën 6-vjeçe edhe pse në vitin 2014 shkencëtarët kinezë raportuan sukses në klonimin e derrave.
/KosovaPress/
