Të blesh një pronë sot në Shkodër të Shqipërisë është shumë më e vështirë sesa një vit më parë. Kjo për shkak të rritjes së konsiderueshme të çmimeve. Nëse tre vite më parë një banesë e vjetër kushtonte nga 800-900 euro metri katror, tashmë një ndërtim i ri kushton mbi 1200 euro.
Një ndër arsyet është se rritja vjen si pasojë e mungesës së lejeve të ndërtimit.
“Mungesa e lejeve të ndërtimit është ndër arsyet kryesoret se ka shumë kërkesa”, u shpreh Kevin Berohiti, Agjent Imobiliar, transmeton RTSh.
Këtë vit çmimet priten sërish të rriten, deri në vlerën 1500 euro metri katror i ndërtimeve të reja, thotë agjenti imobiliar Kevin Berohiti.
“Ndërtimet e vitit 2025 pritet të dalin me 1500 euro metri katror ndryshe nga viti i kaluar që ishte me 1200 euro metri katror”, tha ai.
Kërkesa më e lartë për blerje sipas të dhënave në Agjencitë Imobiliare në Shkodër është kryesisht nga emigrantët në Europë që duan të investojnë pasuritë e tyre në prona në vendlindje.
