Kryeministri i vendit, Albin Kurti bëri të ditur se do të mbledh Këshillin e Sigurisë së Kosovës, pas ngjarjeve në veri të Kosovës.
Një shpërthim i fuqishëm sonte në Varagë të Zubin Potok, ka dëmtuar kanalin e ujit Ibër-Lepenc.
Kurti tha se sulmi në veri të Kosovës është kriminal dhe terrorist dhe vjen nga bandat e orkestruara nga Serbia.
“Do të takoj komandantin e KFOR-it, Enrico Barduani, dhe do të mbajmë një mbledhje të jashtëzakonshme të Këshillit të Sigurisë së Republikës së Kosovës”, tha Kurti në një konferencë urgjente për media në kryeministri.
