Kandidatja për deputete e Lidhjes Demokratike të Kosovës, tha se fuqizimi i gruas është një nga shtyllat kryesore për ndërtimin e një shoqërie më të drejtë dhe më të fortë.
“Bashkëpunimi me gratë e zonave rurale, fermeret, bletaret dhe profesionistet e tjera tregon se potenciali i tyre është i pashtershëm dhe jetik për zhvillimin e vendit tonë. Për mua, mbështetja e grave është jo vetëm një prioritet, por një forcë e çmuar që meriton të çmohet dhe të përkrahet në çdo hap”, tha Kabashi Muçaj.
Kandidatja për deputete e cila mban numrin 78 në listën zgjedhore tha se me përkushtim dhe bashkëpunim, do të sigurojnë që zëri i grave të jetë i fuqishëm dhe ndikues, si pjesë thelbësore e transformimit për të ardhmen.
