Selena Gomez mendon se gratë “kanë më shumë vështirësi” se burrat kur bëhet fjalë për komentet negative në mediat sociale.
Gomez diskutoi ndikimin e urrejtjes online në një intervistë me Jay Shetty, bashkë me të fejuarin e saj, Benny Blanco.
Ata folën për albumin e tyre të përbashkët dhe ndikimin e jetës publike në marrëdhënien e tyre, shkruan CNN, përcjell KosovaPress.
Blanco tha se nuk lexon kurrë komentet në rrjetet sociale dhe preferon “rënie të lirë gjatë jetës”, ndërsa Gomez theksoi se situata është “e çmendur” dhe shpesh shqetësohet për mënyrën se si do të duket në foto, duke shtuar se kritikohet për karakterin, pamjen, dhe origjinën e saj.
Ajo tregoi se herë pas here bie viktimë e komenteve negative, por që ato nuk i sjellin asgjë pozitive. Sipas saj, gratë kritikohet për çdo gjë, duke përfshirë pamjen dhe personat që takojnë, ndërsa burrat nuk përballen me të njëjtin presion.
Gomez po ashtu ka theksuar se ndonjëherë është detyruar të largohet nga rrjetet sociale, sepse ato mund të kenë një ndikim të dëmshëm. Megjithatë, ajo e kupton fuqinë e tyre, por e sheh si një sfidë.
