Kancelari gjerman Olaf Scholz bëri sot thirrje kundër braktisjes së Ukrainës në luftën e saj me Rusinë, duke thënë se duhet të bëjnë gjithçka që munden për të siguruar që ukrainasit të mos mbetet vetëm.
Scholz në një intervistë për T-Online u bëri thirrje aleatëve perëndimorë që të rrisin mbështetjen ushtarake për Kievin, pasi presidenti i sapo zgjedhur Donald Trump ka vënë në pikëpyetje ndihmën e SHBA-së duke thënë se do t’i jep fund luftës me shpejtësi.
“Ajo që ka rëndësi tani është të sigurohemi që Ukraina të mos mbetet vetëm dhe që ne të vazhdojmë të furnizojmë armë. Ajo që do të ishte më e rëndësishme tani është që të gjithë të shohin nëse mund të bëjnë më shumë për të mbështetur më tej Ukrainën”, tha Scholz.
Ai tha se tani është koha “për të krijuar bazën për një paqe të drejtë dhe të qëndrueshme”, pasi presidenti rus Vladimir Putin nuk kishte arritur të arrinte objektivat e tij të luftës.
“Ne mbështesim Ukrainën sa më shumë që të jetë e mundur. Në të njëjtën kohë, ne po veprojmë me maturi që të mos ketë përshkallëzim apo luftë mes Rusisë dhe NATO-s. Kjo është arsyeja pse unë thashë qartë se nuk do të dorëzoj raketat Taurus”, tha Scholz.
Gjermania njoftoi të hënën një paketë të re armësh për Ukrainën prej 15 tanke kryesore luftarake Leopard 1 A5, dy tanke antiajrore Gepard, një obus vetëlëvizës 2000, dy sisteme antiajrore Iris-T dhe dy baza lansimi të raketave Patriot.
Kujtojmë, pas SHBA-së, Gjermania është mbështetësi i dytë më i madh i Ukrainës me armë dhe forma të tjera ndihme.
