Këshilli i Lartë për Mbrojtjen Kombëtare të Rumanisë (CSAT) vendosi në një takim të premten të vazhdojë mbështetjen ushtarake për Ukrainën.
Kjo u raportua nga Romania Journal duke iu referuar një njoftimi për shtyp nga administrata presidenciale rumune, mësoi Ukrinform.
Vihet re se ky ishte takimi i parë i CSAT pasi Ilie Bolojan mori detyrën si ushtrues detyre i presidentit të Rumanisë në shkurt.
Gjatë mbledhjes së Këshillit u analizuan zhvillimet në luftën e paligjshme dhe të paprovokuar të Rusisë kundër Ukrainës. Vëmendje e veçantë iu kushtua situatës në terren, si dhe fazës dhe perspektivës së negociatave për zgjidhjen, thuhet në komunikatë, transmeton KosovaPress.
Rumania përshëndeti rezultatin e bisedimeve të fundit të armëpushimit në Riad dhe përpjekjet e SHBA-së në këtë drejtim, “si një hap i parë drejt arritjes së një marrëveshjeje paqeje”.
