Rangers e kanë përshkruar sjelljen e tifozëve të tyre si “të turpshme” pasi janë akuzuar nga UEFA për incidente gjatë fitores ndaj Fenerbahçes në Ligën Evropa javën e kaluar në Ibrox.
Klubi konfirmoi të mërkurën se përballet me sanksione të rënda pas shfaqjes së një banderole nga një grup tifozësh, të cilën UEFA e cilësoi si “raciste dhe/ose diskriminuese”. Banderola lexonte: “Mbani jashtë ideologjitë mendje hapura të huaja. Mbroni Evropën”, raporton the Guardian.
Në një deklaratë, Rangers shprehe krenarinë për pasionin e tifozëve të tij, por e cilëson këtë incident si “të turpshëm dhe zhgënjyes”. Klubi theksoi përkushtimin e tij ndaj diversitetit dhe paralajmëroi se po punon për të identifikuar përgjegjësit, duke kërkuar që ata të marrin ndëshkimin e duhur.
Rangers, të cilët u kualifikuan në çerekfinale pas fitores me penallti, janë akuzuar gjithashtu për hedhje objektesh dhe bllokim të korridoreve gjatë ndeshjes.
“Kjo sjellje e pakuptimtë dhe kriminale nuk ka vend as në sport, as në shoqëri”, thuhet në deklaratën e klubit, transmeton KosovaPress.
