Mijëra qytetarë nga vende të ndryshme të Kosovës e rajonit kanë vizituar të enjten Kompleksin Memorial “Adem Jashari” në Prekaz, në shënim të Epopesë së lavdishme të Ushtrisë Çlirimtare të Kosovës.
Në tokën ku u shkrua historia me gjak, ku çdo gur e çdo prag flet për qëndresën e një familjeje që zgjodhi lirinë para jetës, vizitorët u ndalën me përulësi para sakrificës së tyre. Ata kujtuan dhimbjen e marsit tragjik të vitit 1998, por edhe ndjenjën e krenarisë që mbetet e përjetshme, raporton KosovaPress.
Njëkohësisht bënë thirrje për më shumë vlerësim dhe përkujdesje institucionale ndaj kontributit të dëshmorëve për liri dhe pavarësi.
“Ndihem krenar, por më dhimben shumë ata që dhanë jetën për këtë vend”, thotë mes lotëve qytetari, Januz Musliu nga Komuna e Mitrovicës.
Derisa, shprehet i zhgënjyer për mënyrën si po trajtohet sot sakrifica e tyre nga institucionet shtetërore.
Nga Prizreni kishte ardhur Nazmi Qollaku, me një ndjenjë të thellë respekti për heronjtë e kombit.
Bekë Mulaj, një tjetër vizitor, kujtoi me dhimbje marsin e vitit 1998, kur u zhvillua beteja heroike e familjes Jashari.
Vetëm nga 1 deri më 6 mars, afër 30 mijë qytetarë kanë vizituar Kompleksin Memorial “Adem Jashari” në Prekaz.
Ndërsa deri më sot nga fillimi vitit pa e llogaritur ditën e sotshme numri i përgjithshëm që vizituan Prekazin është mbi 14 mijë.
Kështu ka bërë të ditur Ciceroni i këtij kompleksi, Ilaz Halimi. Ai për KosovaPress ka thënë se vetëm sot më 6 mars rreth 16 mijë qytetarët vizituan këtë vend.
Ndryshe 5,6 dhe 7 marsi njihet si Epopeja e Ushtrisë Çlirimtare të Kosovës, ku u vranë 59 anëtarë të familjes Jashari pas rezistencës tri ditore.
Lajmi i plotë në sistemin me parapagim…
Marketing
Video
