Policia e Kosovës njoftoi se ka ndaluar pesë shtetas të Serbisë të cilët dyshohet se kishin hyrë ilegalisht në territorin e Kosovës.
Rasti ka ndodhur të premten vonë në pikëkalimin kufitar Dheu i Bardhë.
“Njësia policore ka ndaluar një veturë me targa të Serbisë të cilën e drejtonte i dyshuari mashkull shtetas i Serbisë ku ndodheshin edhe katër të dyshuar të gjithë shtetas të Serbisë të cilët dyshohet se kanë hyrë ilegalisht nga Serbia në territorin e Republikës së Kosovës nëpër rrugët ilegale”, njoftoi Policia.
Të dyshuarit, sipas njoftimit, janë shoqëruar në stacionin policor dhe pas intervistimit me vendim të prokurorit janë liruar në procedurë të rregullt.
