Instituti Hidrometeorologjik i Kosovës ka njoftuar se të shtunën, do të mbajë mot kryesisht i vranët dhe herë pas herë me riga shiu.
Sipas institutit, temperatura minimale do të lëvizin ndërmjet 1-3 gradë Celsius, ndërsa maksimalet e ditës parashihen të lëvizin ndërmjet 8-11 gradë Celsius.
Do të fryjë erë kryesisht nga juglindja me shpejtësi 1-5m/s, raporton KosovaPress.
“E dielë- Do të mbajë mot kryesisht i vranët por sa i përket temperaturave parashihet ulje, kryesisht në vlerat e maksimaleve. Minimalet do të lëvizin ndërmjet 1-3 gradë Celsius, ndërsa maksiamlet e ditës parashihen të lëvizin ndërmjet 3-6 gradë Celsius. Do të fryjë erë kryesisht nga verilindja me shpejtësi 1-7m/s. Sipas kalendarit meteorologjik, nesër fillon stina e pranverës meteorologjike, e cila do të zgjasë deri me 31maj”, thuhet në njoftim.
