Kreu i ndihmës humanitare të Kombeve të Bashkuara, Tom Fletcher, shprehu se frikat më të këqija të Gazës u konkretizuan pas rinisjes së sulmeve ajrore izraelite. Ai tha se sulmet kanë rifilluar në gjithë Gazën, me qindra të vrarë dhe urdhra evakuimi të rinj.
Fletcher kritikoi ndalimin e ndihmës humanitare nga Izraeli, duke theksuar se 2.1 milionë njerëz janë pa ushqim, medikamente dhe karburant. Ai paralajmëroi se bllokimi i plotë i ndihmës do të ketë pasoja të rënda për popullin e Gazës, që është i varur nga kjo ndihmë. Ai gjithashtu theksoi rëndësinë e rinovimit të armëpushimit dhe sigurimin e fondeve për ndihmën humanitare, duke treguar se vetëm 4% e nevojave janë plotësuar deri tani.
Fletcher përmendi gjithashtu përkeqësimin e situatës në Bregun Perëndimor, ku 95 palestinezë, përfshirë 17 fëmijë, janë vrarë që nga fillimi i vitit 2025. Mbi 40,000 palestinezë janë zhvendosur për shkak të operacioneve ushtarake.
Ai kërkoi hapjen e kufijve për ndihmën humanitare, rinovimin e armëpushimit dhe financimin e përgjigjes humanitare. Sulmet ajrore izraelite në Gaza kanë shkaktuar mbi 48,500 viktima që nga tetori 2023, shumica gra dhe fëmijë, dhe mbi 112,000 të plagosur.
Nëntorin e kaluar, Gjykata Ndërkombëtare Penale lëshoi urdhra arresti për liderët izraelitë për krime lufte, shkruan AA.
Mbi 48,500 palestinezë janë vrarë, shumica gra dhe fëmijë, dhe mbi 112,000 të tjerë janë plagosur në sulmet brutale ushtarake izraelite në Gaza që nga tetori 2023. Në nëntor të vitit të kaluar, Gjykata Ndërkombëtare Penale lëshoi urdhra arresti për kryeministrin izraelit Benjamin Netanyahu dhe ish-Ministrin e Mbrojtjes Yoav Gallant për krime lufte dhe krime kundër njerëzimit në Gaza, transmeton KosovaPress.
Izraeli gjithashtu përballet me një çështje gjenocidi në Gjykatën Ndërkombëtare të Drejtësisë për luftën e tij kundër Rrethit të Gazës.
