Presidenti i SHBA-së, Donald Trump, thotë se ai po pret që presidenti i Ukrainës, Volodymyr Zelensky, të nënshkruajë këtë javë një marrëveshje “shumë të madhe” për mineralet me SHBA-në.
Një zyrtar i lartë në Kiev i ka thënë BBC-së se Ukraina ka rënë dakord për kushtet e marrëveshjes që do t’i lejojë SHBA-të të shfrytëzojnë së bashku burimet e saj minerale – një kërkesë kyçe e Trump, i cili dëshiron që Kievi të shlyejë ndihmën ushtarake amerikane.
“Pa Shtetet e Bashkuara dhe paratë e saj dhe pajisjet e saj ushtarake, kjo luftë do të kishte përfunduar në një periudhë shumë të shkurtër kohore”, tha Trump të martën.
Marrëveshja siç duket është arritur pasi kërkesa e fillimit e Trump për 500 miliardë dollarë të ardhura të mundshme është hequr – por ajo nuk përfshin garanci të fortë të sigurimit për Ukrainën, e cila është shkatërruar nga lufta.
Pa konfirmuar nëse është arritur një marrëveshje, Trump tha të martën se në këmbim të marrëveshjes, Ukraina do të marrë “të drejtën për të luftuar”.
Zëvendëskryeministrja e Ukrainës, Olha Stefanishyna, ka udhëhequr negociatat mes SHBA-së dhe Ukrainës për këtë marrëveshje minerale.
Trump thotë se ai po pret që Zelensky, të nënshkruajë marrëveshjen në Uashington këtë javë.
