Kandidati për kryeministër nga radhët e LDK-së Lumir Abdixhiku “ia ka kthyer borxhin” kryeministrit aktual Albin Kurti nga Lëvizja Vetëvendosje.
Derisa ky i fundit gjatë një tubimi elektoral kishte ironizuar opozitën “duke mbytur mizat shuplakë”, në Karagaç të Pejës serish u përmendën “insektet”.
“Ka shumë diçka të veçantë në këtë sallë sikur Bjeshkët e Rugovës. Duhet të mbahesh mirë e mbarë para se t’ia mësyni asaj, por kur e nënvlerëson, kur e lënë atë të thatë, ia humb gjithë magjinë dhe madhështinë kjo sallë edhe ta kthen, ta humb kontrollin aq shumë sa dikur ia nis me mbyt miza imagjinare në këtë sallë në Karagaç”, ka thënë Abdixhiku.
