Media të shumta në Itali pohojnë se Rafael Leao do të nisë nga stoli ndeshjen kundër Napolit që zhvillohet sonte, e cila do të jetë hera e 10-të që ndodh në sezonin 2024-2025.
Sipas “Sky” dhe “La Gazzetta dello Sport”, trajneri Conceicao do të lërë Leaon në mesin e zëvendësuesve dhe do të vendosë bashkëkombasin e tij Joao Felix si titullar kundër “Partenopei”, përcjellë KosovaPress.
Skuadra që Conceicao testoi në seancën e fundit stërvitore të Milanit përpara Napolit përfshinte Ruben Loftus-Cheek dhe Ëarren Bondo së bashku me Tijjani Reijnders në mesfushë, me Joao Felix dhe Christian Pulisic që mbështesin Tammy Abrahamin në sulm.
Nëse e njëjta skuadër del në fushë kundër Napolit sonte, do të jetë hera e 10-të në të gjitha garat që Leao lihet në stol, duke mos përfshirë ndeshjet ku ai ishte i padisponueshëm për shkak të dëmtimit.
Kjo do të thotë gjithashtu se ai është në një statistikë të çuditshme ‘triple-double’, duke pasur parasysh se ai ka 10 gola, nëntë asistime dhe nëntë starte nga pankina deri më tani në 2024-25.
