Kryeministri në detyrë i Republikës së Kosovës, Albin Kurti me rastin e vizitës në Bashkësinë Islame, ka uruar festën e Fitër Bajramit të gjithë qytetarëve të Kosovës, duke theksuar mirënjohjen e veçantë për Bashkësinë Islame të Kosovës që ndihmon të varfëritë dhe ata të cilët e kanë gjendjen e vështirë në mënyra të ndryshme.
Kurti tha se Qeveria e Kosovës e vlerëson lartë rolin dhe kontributin e Bashkësisë Islame në të gjitha etapat deri në pavarësinë e shtetit tonë
“Urime e gëzuar Fiter Bajrami, përhajrë Bajrami të gjithëve. Zoti kabull agjëruesve dhe një mirënjohje e veçantë për aspektin social të Bashkësisë Islame të Kosovës që ndihmon të varfëritë, ata të cilët e kanë gjendjen e vështirë në mënyra të ndryshme dhe kësisoj dëshmojmë solidaritetin, mëshirën për dinjitet e begati për të gjithë pa dallim. Në këtë pranverë përkujtojmë edhe 37 dëshmorët e Ushtrisë Çlirimtare të Kosovës që vinë nga radhët e imamëve, hoxhallarëve të BIK”, ka thënë Kurti.
BIK-un po e vizitojnë dhe përfaqësues të institucioneve vendore e ndërkombëtare dhe liderë të partive.
/KosovaPress/
Marketing
Video
