Manifestimi tashmë tradicional ‘Java e Minatorëve’ ka filluar sot në Stantërg, në shenjë përkujtimi të 36- vjetorit të grevës historike të minatorëve të Trepçës, e cila pati lëkundur themelet e shtetit të atëhershëm të Jugosllavisë.
Të pranishëm në këtë manifestim ishin autoritete të larta shtetërore, komunale, udhëheqës të institucioneve, ish pjesëmarrës të grevës së lavdishme, minatorë etj.
Kryeministri në detyrë Albin Kurti tha se kërkesat e minatorëve asokohe ishin politike për ta mbrojtur Kosovën nga politikat shtypëse dhe diskriminuese nga ana e Serbisë. Sipas tij, Trepça është forcë e gjallë për zhvillimin e gjithmbarshëm dhe se me hapa konkret ajo po e merr vendin që I takon në ekonominë tonë e Kosovës.
Ministrja në detyrë e Ekonomisë, Artane Rizvanolli, theksoi se 36 vjet më parë minatorët ndëshkuan përpjekjet për robërimin e Kosovës dhe tjetërsimin e tokës së saj.
Ndërkaq, Faton Ahmeti, ushtrues detyre i kryeshefit të ndërmarrjes Trepça, tha se greva e minatorëve të asaj kohe nuk ishte vetëm akt sindikal, por një mesazh i fuqishëm në vullnetin e pathyeshëm për popullin e Kosovës, për të jetuar të lirë dhe të barabartë.
Ndryshe, me rastin e këtij përvjetori, sindikata e punëtorëve të Trepçës ka organizuar aktivitete të ndryshme që do të mbahen deri më 28 shkurt.
Lajmi i plotë në sistemin me parapagim.
Marketing
Video
