Një komedian i njohur indian po mbrohet për të drejtën e tij për të bërë shaka, pas një sulmi nga një turmë e zemëruar në një klub komedie, ku ai kishte bërë një batutë për një politikan të krahut të djathtë, raporton CNN.
Kunal Kamra, i njohur për batutat e tij mbi kulturën popullore dhe politikën, është nën hetim për shpifje nga policia e shtetit Maharashtrë, pasi bëri një shaka për zëvendës kryeministrin Eknath Shinde. Rasti ka nxjerrë në pah rënien e lirisë së fjalës dhe ndjeshmërinë e politikanëve të krahut të djathtë në Indi, disa prej të cilëve kërkojnë arrestimin e Kamra, përcjell KosovaPress.
Një video që tregon batutën, e postuar në YouTube të dielën, tregon Kamra-n duke aluduar për Shinden, duke përdorur termin “gaddar” (tradhtar), i lidhur me kryengritjen e Shinde në vitin 2022 që çoi në rënien e qeverisë së shtetit.
Batuta shkaktoi një reagim të ashpër nga partia Shiv Sena, e Shinde-s. Një turmë zemërimi sulmoi klubin e komedisë “The Habitat” në Mumbai, duke shkatërruar pronën. Policia po heton gjithashtu për dëmet materiale.
Kamra ka thënë se nuk do të kërkojë falje dhe e mbrojti të drejtën për të bërë shaka për liderët dhe sistemin politik të Indisë. Ai theksoi se liria e shprehjes është e garantuar nga Kushtetuta indiane dhe se ai nuk do të trembet nga kërcënimet.
