Kryeministri i Kanadasë Mark Carney caktoi sot datën 28 prillin për zgjedhje federale dhe me kërcënimet e aneksimit dhe tarifave të SHBA-së, ato mund të jenë më të rëndësishmet në historinë e vendit.
Presidenti i SHBA-së Donald Trump ka thënë vazhdimisht se Kanadaja duhet të jetë shteti i 51-të amerikan dhe ka vendosur tarifa, me Kanadanë që vendos kundër-tarifa.
Tre liderët kryesorë të partive e dinë se në mendjet e kanadezëve, këto zgjedhje kanë të bëjnë me Trump.
Udhëheqësit janë neofiti politik Carney, konservatorët nën Pierre Poilievre dhe Jagmeet Singh dhe Partia e tij Demokratike e Re (NDP). Secili tha se do të ishte më mirë t’i kundërvihej presidentit amerikan. Në një konferencë shtypi që shpalli datën e zgjedhjeve, Carney sulmoi Trumpin.
“Ai dëshiron të na thyejë në mënyrë që Amerika të mund të na zotërojë,” tha Carney.
Zgjedhjet federale u vunë në lëvizje kur kryeministri jopopullor kanadez Justin Trudeau dha dorëheqjen në janar dhe Mark Carney fitoi garën liberale për të vendosur kurorën e liderit.
Sondazhet treguan se kanadezët ishin të zhgënjyer me Trudeau, siç ishte edhe partia e tij, dhe ai iu përkul presionit publik dhe partisë liberale për t’u larguar.
Me Trudeau jashtë pothuajse menjëherë, Liberalët, të cilët sondazhet treguan për muaj të tërë ishin një e dyta e largët pas konservatorëve, panë një rritje dramatike të mbështetjes në sondazhet publike dhe tani gëzojnë një epërsi ndaj konservatorëve.
Sondazhet treguan gjithashtu se Partia Demokratike e Re po ngec në vendin e tretë.
Ish-guvernatori i Bankës së Kanadasë, Carney, nuk ka mbajtur apo kandiduar kurrë për poste politike.
Poilievre është cilësuar nga kundërshtarët si një politikan karriere, duke fituar zgjedhjet si anëtar i parlamentit në moshën 25-vjeçare. Tani 45 vjeç, kritikët thonë se ai kurrë nuk ka mbajtur një punë reale në sektorin privat. Ai njihet për kritikat e tij agresive ndaj liberalëve në Parlament.
Ai tha në një konferencë shtypi të dielën se ishte i fokusuar në kërcënimin e Trump dhe ai iu referua 10 viteve të fundit nën Trudeau si “dekadën e humbur liberale”. Por tani Trudeau, i cili ishte objektivi kryesor i Poilievre, është zhdukur, raporton AA.
Singh, 46-vjeç, ka udhëhequr NDP-në që nga viti 2017, por asnjëherë në fitore. Çështjet që zënë vend pas Trump përfshijnë strehimin e përballueshëm, koston e jetesës dhe kujdesin shëndetësor. Fushata zgjedhore do të zgjasë pesë javë, më e shkurtra e lejuar sipas ligjit kanadez, transmeton KosovaPress.
