Julia Roberts ka bërë një “rikthim” në kohë këtë të premte, kur ka ripërsëritur pamjen e saj ikonë nga Golden Globes 1990. Aktorja 57-vjeçare, e njohur për rolin e saj në filmin “Notting Hill”, ka shkëlqyer ndërsa mori dekoratën e Chevalier të Urdhrit të Arteve dhe Letërsisë nga Ministrja e Kulturës, Rachida Dati, në Paris.
Për këtë ngjarje, Julia ka veshur një kostum të ndritshëm gri, me një xhaketë elegante dhe pantallona të shkurtra të prerë me stil. Ajo e ka përfunduar pamjen me një palë take të larta gri, duke e rikrijuar plotësisht stilin e saj të paharrueshëm nga Golden Globes para 34 vitesh.
Në një intervistë me Vogue në vitin 2024, Julia Roberts ka ndarë emocionet e saj për këtë veshje të veçantë, duke thënë: “Ky ishte një nga veshjet më të preferuara të mia.” Ajo kujton se i kishte bërë vetë flokët dhe një shoqe e saj kishte bërë grimin. Julia gjithashtu tha: “Nuk e dija që njerëzit mbanin fustane kaq të shtrenjta në Golden Globes atëherë, ashtu siç bëjnë tani, por mendova se unë isha shumë e veçantë me këtë veshje”, përcjellë KosovaPress.
Në këtë ngjarje, Julia Roberts nuk vetëm që ka rikthyer një stil të adhurueshëm, por ka shfaqur edhe një version të saj të përjetshëm, që e ka bërë atë një ikonë të botës së filmit.
