Të paktën 330 njerëz janë vrarë nga sulmet ajrore izraelite në Gazë gjatë natës, sipas Ministrisë së Shëndetësisë të drejtuar nga Hamasi.
Ushtria izraelite tha se po kryente sulme “të gjera” pasi bisedimet për zgjatjen e armëpushimit nuk arritën një marrëveshje.
Kjo është vala më e madhe e sulmeve ajrore që nga 19 janari, kur hyri në fuqi armëpushimi, raporton BBC.
“Ata ndezën përsëri zjarrin e ferrit në Gazë,” tha një dëshmitar në qytetin e Gazës.
Përveç Gazës, Izraeli sulmoi nga ajri Libanin dhe jugun e Sirisë, për çka tha se janë sulme kundër ekstremistëve të cilët po planifikojnë sulme terroriste.
Zyra e kryeministrit Benjamin Netanyahu thotë se Izraeli “që tani e tutje do të veprojë kundër Hamasit me forcë ushtarake në rritje”, duke e akuzuar Hamasin për “refuzimin e përsëritur për të liruar pengjet tona” dhe për refuzimin e propozimeve për zgjatjen e armëpushimit.
Sipas një deklarate për Fox News nga zëdhënsja e Shtëpisë së Bardhë, Karoline Leavitt, Shtëpia e Bardhë u konsultua nga Izraeli për sulmet e fundit në Gazë.
Hamasi akuzon Izraelin se ka sulmuar “civilët e pambrojtur” dhe thotë se ndërmjetësit duhet ta mbajnë Izraelin “plotësisht përgjegjës” për “shkeljen dhe përmbysjen” e armëpushimit.
