Atmosfera festive e Shën Valentinit është ndier edhe më shumë këtë vit në kryeqytet, falë një veprimi të veçantë nga kompania e telekomunikacionit IPKO. Për të festuar dashurinë dhe për të sjellë buzëqeshje te qytetarët, IPKO u ka shpërndarë atyre qindra lule në sheshet kryesore të Prishtinës.
Qytetarët që kaluan nëpër sheshet “Zahir Pajaziti” dhe “Skënderbeu” u befasuan nga trëndafilat dhuratë të cilat përçonin mesazhin e dashurisë dhe mirësisë. Me këtë iniciativë, IPKO jo vetëm që solli një atmosferë më të ngrohtë në kryeqytet, por gjithashtu tregoi përkushtimin e saj për të qenë afër komunitetit.
Reagimet e qytetarëve ishin tejet pozitive. Shumë prej tyre e vlerësuan këtë iniciativë si një mënyrë të bukur për të përhapur energji të mirë dhe për të bërë që Prishtina të ndihej edhe më e ngrohtë në këtë ditë të dashurisë.
“Nuk e prisja fare, ishte një surprizë e këndshme. Është bukur të shohësh që një kompani kujdeset për komunitetin dhe përpiqet të sjellë emocione pozitive,” tha një qytetare e Prishtinës.
Përfaqësues të kompanisë theksuan se kjo iniciativë synonte të përçonte një mesazh të thjeshtë, por shumë të fuqishëm: dashuria dhe mirësia janë vlera që duhet të ndahen me të gjithë.
Kjo nuk është hera e parë që IPKO organizon aktivitete sociale për të afruar komunitetin. Me veprime të tilla simbolike, kompania vazhdon të tregojë se përveç teknologjisë, synon të sjellë edhe emocione pozitive te qytetarët.
Marketing
Video
