David Beckham nisi festimet e tij të hershme për 50-vjetorin në Miami me bashkëshorten Victoria dhe fëmijët Romeo, Cruz dhe Harper. Brooklyn dhe Nicola Peltz munguan, shkruan Daily Mail, transmeton KosovaPress.
Familja Beckham u shfaq elegante, me Davidin në një smoking veluri dhe Victorian me një fustan të bardhë. Ai u shoqërua nga miq të ngushtë si David Gardner dhe Ben Winston, si dhe nga yje të sportit, përfshirë Luis Suárez, Jordi Alba, Sergio Busquets, Lionel Messi, Tom Brady dhe Shaquille O’Neal. Të pranishëm ishin edhe yjet e Hollivudit Justin Theroux, Fisher Stevens dhe Marc Anthony.
David, i cili thotë se 50-vjetori nuk e shqetëson, ruan formën me stërvitje të përditshme dhe padel. Ai shkëlqeu në një fotosesion për BOSS, ku tregoi fizikun e tij të skalitur, duke mahnitur fansat, të cilët e krahasuan me James Bond.
