Kandidati për deputet nga radhët e Partisë Demokratike të Kosovës (PDK), Enver Hoxhaj, u ka bërë thirrje qytetarëve të Kosovës që të dalin dhe të votojnë në zgjedhjet e nesërme.
Ai përmes një video-mesazhi në rrjetet sociale ka theksuar rëndësinë e këtyre zgjedhjeve për të ardhmen e vendit.
“DUHET ta bëjmë Kosovën më të mirë! Nesër, dilni dhe votoni!”, ka shkruar ai në postimin e tij, duke theksuar domosdoshmërinë e pjesëmarrjes aktive të qytetarëve në procesin demokratik.
Me numrin 4 në listën e kandidatëve dhe duke përfaqësuar Partinë Demokratike të Kosovës me numrin 131, Hoxhaj ka qenë aktiv në fushatë, duke zhvilluar takime me qytetarët dhe duke promovuar programin e tij për një Kosovë më të zhvilluar dhe më të fortë.
Zgjedhjet e nesërme pritet të jenë vendimtare për të ardhmen politike të vendit, ndërsa PDK ka vazhduar të theksojë programin e saj për zhvillimin ekonomik, arsimin dhe mirëqenien e qytetarëve.
“Artikull i sponsorizuar – zgjedhjet 2025”
