Ish-ministrja e Punëve të Jashtme të Kosovës, Meliza Haradinaj ka thënë se lidhja e ngushtë e Serbisë me Rusinë po e rrezikon gjithë Evropën.
Haradinaj ka shpërndarë në “X” një video nga konferenca e djeshme e sekretarit të Përgjithshëm të NATO-s, Mark Rutte, ku ka bërë thirrje që përgjegjësit e sulmit kundër kanalit të ujit të Ibër-Lepencit në veri të Kosovës muajin e kaluar, të sillen para drejtësisë.
“Deklarata e sekretarit të NATO-s, Mark Rutte, që sulmi terrorist në infrastrukturën kritike në veri të Kosovës muajin e kaluar nënvizoi brishtësinë e stabilitetit në Ballkanin Perëndimor. Sugjeron se sulmi është një problem rajonal (jo i brendshëm i Kosovës). Kjo me të drejtë aludon se Serbia qëndron pas saj!”, ka shkruar ajo.
