Partitë politike po hezitojnë të shprehin qëndrimet e tyre sa i përket Kodit Civil. Ani pse temë shumë e diskutuar në qeverisjen e kaluar, nuk ka zënë vend edhe në tubime e takime elektorale. Kjo po ndodhë nga frika se mund të humbasin elektorat, thonë organizata që monitorojnë fushatën zgjedhore.
Në legjislaturën e kaluar ka dështuar të miratohet Kodi Civil në Kuvendin e Kosovës.
Institucioni i Avokatit të Popullit i ka thënë KosovaPress-it se Kodi Civil është një ndër aktet juridike me rëndësi të madhe.
Hulumtuesja e lartë në Institutin Demokratik të Kosovës (KDI), Violeta Haxholli thotë se Kodi Civil konsiderohet një nga ‘temat sensitive’, për çka partitë që garojnë në zgjedhjet e 9 shkurtit, nuk po shprehin alternativë.
E gjithë kjo po ndodhë, siç thotë Haxholli, nga frika se do të humbasin vota ditën e zgjedhjeve.
Me miratimin e Kodit Civil do të ofrohet drejtësi për qytetarët, konsideron Ehat Miftaraj nga Instituti i Kosovës për Drejtësi.
Projekt-Kodi Civil me mbi 1 mijë nene, Miftaraj shton se është fokusuar vetëm në dy dispozita.
Mënyra se si po trajtohet Kodi Civil nga politika, Medinë Dauti nga organizata “Qikat”, e konsideron të dëmshme.
Kundërshtimet më të zëshme ndaj projekt-Kodit Civil lidhen me nenin që do të mundësonte hartimin e një ligji të posaçëm, përmes të cilit do të lejohej regjistrimi i “bashkësive civile”, mes personave me gjini të njëjtë.
Marketing
Video
