Drejtori i inteligjencës finlandeze, gjeneral-brigadier Pekka Turunen ka qëndruar sot në Kosovë.
Ai është takuar me komandanti i misionit të KFOR-it, të udhëhequr nga NATO-ja, gjeneralmajor Enrico Barduani, në selinë e KFOR-it, në Prishtinë.
Sipas një njoftimi të KFOR-it, gjatë takimit, gjeneralmajor Barduani ndau pikëpamjen e tij për situatën aktuale të sigurisë në rajon dhe nënvizoi përpjekjet e KFOR-it për sigurimin e një mjedisi të qetë dhe të sigurt për të gjithë njerëzit që jetojnë në Kosovë dhe në mbështetje të dialogut të lehtësuar nga BE ndërmjet Prishtinës dhe Beogradit.
KFOR-i vazhdon të zbatojë mandatin e tij për të kontribuar në një mjedis të qetë dhe të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë. KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX) në rolet përkatëse si reagues të sigurisë.
/KosovaPress/
