Dodë Gjergji uron festën e Fitër Bajrami: Shpërblehet çdo sakrificë që bëhet në emër të Zotit

Ipeshki i Ipeshkëvisë së Kosovës, Dodë Gjergji ka uruar të gjithë besimtarët e besimit islam me rastin e festës së Fitër Bajramit.

Ai ka vizituar kryesinë e Bashkësisë Islame, ku është takuar me myftiun e Kosovës, Naim Tërrnava me ç’rast ka thënë se kjo festë le të shërbejë si referencë që çdo sakrificë në emër të Zotit të bëhet me dashuri.

Ai ka theksuar gjithashtu se pa marrë parasysh fenë apo besimin, të gjithë jemi vëllezër dhe duam të jetojmë së bashku.

/KosovaPress/