Nëntë për qind e vendvotimeve në vend janë hapur me vonesë sot në Kosovë, ka thënë Ismet Kryeziu nga Demokracia në Veprim (DnV). Sipas rrjetit të organizatave joqeveritare në Kosovë, shkak i këtyre vonesave ka qenë mungesa e komisionerëve në gjashtë për qind të vendvotimeve. Në konferencën e parë të mbajtur për ditën e sotme, u tha se në 20 për qind e qendrave të votimit nuk ka qasje për personat me aftësi të kufizuara.
Ismet Kryeziu nga DnV tha se sot është një ditë e rëndësishme për demokracinë dhe vendin. Ai foli edhe për procesin zgjedhor të mbajtur dje në përfaqësitë diplomatike për çka tha se kanë votuar mbi 71 për qind e qytetarëve.
Ai bëri të ditur se nëntë për qind e vendvotimeve janë hapur sot me vonesë në Kosovë.
“Nga 2589 vendvotime, sipas të dhënave që kemi nga terreni, 9 për qind e këtyre vendvotimeve janë hapur me vonesë. Është raportuar se shkak i vonesave i hapjes së vendvotimeve me kohë, ka qenë mungesa e komisionerëve në 6 për qind të vendvotimeve. Aranzhimi i vendvotimeve është bërë konform rregullave të përcaktuara nga KQZ, nuk është raportuar asnjë rast kur kabinat e votimit nuk janë vendosur në këndet e vendvotimit apo kamerat të cilat janë të përdorura për herë të parë janë vendosur në pozicion të cilat nuk cenojnë integritetin e votuesve ose fshehtësinë e votës”, deklaroi ai.
Ani pse rregullat zgjedhore nuk lejojnë, Kryeziu u shpreh se në 3 për qind të qendrave të votimit ka materiale zgjedhore.
Kryeziu shtoi se e drejta për pjesëmarrje në zgjedhje si e drejtë universale, duhet të garantohet të gjithë qytetarëve pa dallim.
Ai tha se janë raportuar dy incidente në komunën e Prizrenit ku u është mohuar e drejta vëzhguesve qasja në informata nga komisionerët.
Lajmi i plotë në sistemin me parapagim…
Marketing
Video
