Dëshmitari i 126-të i Zyrës së Prokurorit të Specializuar në rastin ndaj Thaçit dhe të tjerëve në Hagë nuk është paraqitur në gjykatore të martën më 1 prill.
Ai nuk ishte në gjendje të shkojë sot në Hagë.
Në seancën e së martës, trupi gjykues bëri të ditur se ishte dëshmitari me kodin 4747 i cili ishte planifikuar të dëshmonte sot.
Në seancë u tha se ZPS-ja ka kërkuar që deklarata me shkrim e këtij dëshmitarit të pranohet në prova, sipas rregullës 155.
Gjykimi kaloi më pas në seancë private.
Rregulla 155 mundëson që gjykatësit të mund të pranojnë një deklareatë me shkrim të dëshmitarit, pa u paraqitur në sallën e gjyqit.
Hashim Thaçi, Kadri Veseli, Rexhep Selimi e Jakup Krasniqi kanë hyrë në vitin e pestë që ndodhen në paraburgim nën pretendimet për krime lufte. Gjykimi ndaj tyre ka nisur në prill të vitit 2023.
Ndaj tyre po zhvillohet një proces gjyqësor që aktualisht ndodhet në fazën e fundit të paraqitjes së provave nga ana e ZPS-së.
Çështja e prokurorisë pritet të mbyllet këtë muaj.
Thaçi dhe të tjerët janë deklaruar të pafajshëm për të gjitha pikat e aktakuzës./KosovaPress
Lajmi i plotë në sistemin me parapagim
/KosovaPress/
