Zëdhënësja e Departamentit Amerikan të Shtetit, Tammy Bruce, ka adresuar sugjerimin e Shtëpisë së Bardhë, se Ukraina mund të përfitojë nga marrja e “pronësisë” së Shteteve të Bashkuara të pjesëve të infrastrukturës energjetike të Ukrainës.
Bruce tha se mund të krijojë një “parandalues ndaj sulmeve”. “Është ndoshta disi e dobishme të kesh një marrëdhënie ekonomike me një komb që ka një histori të aftësisë për të mbrojtur veten dhe miqtë e tij,” tha ajo, duke nënkuptuar se Rusia mund të hezitonte të sulmonte një termocentral nëse do të operohej nga inxhinierë amerikanë, raporton BBC.
“Kur keni njerëz që menaxhojnë infrastrukturën tuaj… që e dinë se çfarë po bëjnë, ajo ruan jo vetëm kornizën ekonomike, por edhe kornizën e sigurisë,” tha ajo, transmeton KosovaPress.
