Gjykata e Arbitrazhit Sportiv (CAS) ka hedhur poshtë ankesën e Federatës Rumune të Futbollit kundër dënimeve të UEFA-s për ndeshjen ndaj Kosovës.ka konstatuar se dënimet e UEFA-s karshi Federatës rumune janë proporcionale me shkeljet që janë bërë.
“Paneli vendosi se shkeljet e kryera nga tifozët rumunë ishin serioze dhe se sanksionet ishin në përputhje me Rregulloret Disiplinore të UEFA-s dhe jo disproporcionale. Rrjedhimisht, vendimi i kontestuar u la në fuqi nga paneli i CAS-it”, thuhet në njoftimin e CAS-it, përcjellë KosovaPress.
UEFA e regjistroi ndeshjen me rezultat zyrtar 3:0 në të mirë të Rumanisë, por Federatën rumune e gjobiti me 128 mijë euro dhe me zhvillimin e një ndeshjeje pa shikues dhe kjo u vlerësua nga federata rumune si dënim shumë i lartë.
Ndeshja Rumani – Kosovë ishte zhvilluar më 15 nëntor në Bukuresht.
