Kantata skenike Carmina Burana nga Carl Orff do të interpretohet në Sallën 1 të Pallatit Kombëtar të Kulturës më 17 shkurt 2025, nën drejtimin e Maestro Najden Todorov, tha të martën Filarmonia e Sofjes. Ky koncert simbolizon bashkëpunimin kulturor në rajon, thanë organizatorët nga Filarmonia e Sofjes. Në koncert do të marrin pjesë edhe Orkestra Filarmonike e Republikës së Maqedonisë së Veriut, Orkestra Simfonike Shtetërore e Selanikut, Greqi dhe Kori Filarmonik Kombëtar.
Solistë janë Soprano Ana Durlovski nga Republika e Maqedonisë së Veriut, kundërtenori Nikolas Spanos nga Greqia dhe baritoni Ivo Yordanov nga Bullgaria.
Me një kor, solistë, orkestrim të gjallë dhe aksion skenik, Carmina Burana tregon historinë e brishtësisë së fatit njerëzor, gëzimet e pranverës, pasionet intensive të dashurisë dhe kënaqësitë e jetës./BTA-KosovaPress
