Presidenti amerikan Donald Trump ka njoftuar se Mark Brnoviq, një ish-prokuror i përgjithshëm i Arizonës – një amerikan me origjinë serbe dhe anëtar i Partisë Republikane – është zgjedhur si ambasadori i ri i SHBA-së në Serbi.
“Kam kënaqësinë të njoftoj se Mark Brnovic do të jetë ambasadori ynë i ardhshëm i SHBA-së në Serbi. Mark është një veteran krenar i Gardës Kombëtare të Ushtrisë dhe më parë ka shërbyer si Prokuror i Përgjithshëm i Shtetit të Arizonës. Si djali i refugjatëve që ikën nga komunizmi, Marku do të jetë një avokat i fortë për lirinë dhe gjithmonë do ta vendosë Amerikën në radhë të parë. “Urime, Mark,” shkroi Trump.
