Studentët po bllokojnë sot tri ura në Novi Sad, duke shënuar tre muaj nga shembja e tendës në stacionin hekurudhor të qytetit në të cilën humbën jetën 15 persona.
Bllokada e urës së Varadinit, Urës së Lirisë dhe Urës së Zhezhel filloi në orën 15:00. Ura e Varadinit dhe Zhezhel do të jetë e bllokuar për tri orë, dhe Ura e Lirisë për 24 orë.
Atyre iu bashkuan studentët e Beogradit të cilët u nisën në këmbë drejt Novi Sadit të enjten. Studentët apeluan që protesta të vazhdojë e qetë dhe pa incidente.
