Presidenti i SHBA-së Joe Biden dhe presidenti i zgjedhur Donald Trump u takuan sot në Shtëpinë e Bardhë për bisedime për tranzicionin.
“Urime dhe mezi pres të kemi një tranzicion të qetë”, i tha Biden Trump, i cili fitoi një mandat të dytë jo-radhazi në Shtëpinë e Bardhë më 5 nëntor.
Trump falënderoi Biden dhe tha se politika është “e ashpër dhe në shumë raste nuk është një botë shumë e bukur, por është një botë e bukur sot dhe e vlerësoj shumë.”
Partia Republikane fitoi një shumicë në zgjedhje, duke marrë kontrollin e Dhomës së Përfaqësuesve, Senatit dhe Shtëpisë së Bardhë.
Trump fitoi zgjedhjet me 312 vota elektorale, duke tejkaluar pragun e 270 kundrejt rivales demokrate, zëvendëspresidentes Kamala Harris.
Përpara takimit me Biden, Trump u mblodh me republikanët në Capitol Hill.
“A nuk është bukur të fitosh? Është bukur të fitosh. Është gjithmonë mirë të fitosh”, u tha Trump republikanëve. /AA
