Bashkimi Evropian akuzoi kompaninë mëmë të Google, Alphabet, për shkelje të rregullave të bllokut në lidhje me Google Search dhe Google Play, sipas një deklarate të mërkurën nga Komisioni Evropian.
Si pjesë e hetimit për Alphabet, Komisioni dërgoi gjetjet e tij paraprake se dy shërbimet e kompanisë nuk përputhen me Aktin e Tregjeve Digjitale (DMA).
Ai vuri në dukje se disa veçori dhe funksionalitete të Google Search i trajtuan shërbimet e Alphabet në mënyrë më të favorshme ndaj konkurrentëve të tij, ndërkohë që nuk siguronin trajtim transparent, të drejtë dhe jo diskriminues të shërbimeve të palëve të treta, të parashikuara në rregullat e BE-së, transmeton KosovaPress.
Për më tepër, opinioni paraprak tha se Google Play nuk përputhet me rregullat sepse pengon zhvilluesit e aplikacioneve që lirisht t’i drejtojnë konsumatorët në kanale të tjera për oferta më të mira që dërgohen në Alphabet.
Deklarata vuri në dukje se nëse konfirmohen pikëpamjet paraprake të Komisionit, mund të merret një vendim për mospërputhje.
Komisioni i BE-së nisi një hetim marsin e kaluar për pajtueshmërinë e Alphabet me rregullat e BE-së për referimet në Google Play dhe preferencat në Google Search.
Në rast të shkeljeve të rregullave digjitale të BE-së, mund të vendoset një gjobë deri në 10% të xhiros totale të kompanisë, raporton AA.
BE-ja kishte gjobitur më parë Google më shumë se 8 miliardë euro (8.7 miliardë dollarë).
