Futbollistët e Atletico Madrid kanë shënuar fitore të rëndësishme në luftën për titullin e kampionit ndaj Osasuna me rezultat 1:0.
Ndeshja ishte e vlefshme në kuadër të javës 19 dhe tashmë skuadra nga Madridi ka marrë kryesimin në tabelë me 44 pikë, një më shumë se rivali Reali.
Golin për skuadrën vendëse e shënoi Alvarez në minutën e 55-të pas asistimit të Lenglet. Në minutën e shtatë të pjesës së parë u anulua goli i sulmuesit francez Griezmann pas shikimit të VAR-it.
Në ndeshjen tjetër të ditës së sotme skuadra Las Palmas pësoi para shikuesve të vet nga Getafe me rezultat 1:2. Deportivo Alaves dje humbi si vendës nga Girona 0:1, Real Valladolid mposhti Real Betis 1:0, ndërsa Espanyol-Leganes dhe Sevilla-Valencia përfunduan pa fitues me rezultat identik – 1:1.
Xhiroja e 19-të e La Ligës përmbyllet nesër me duelin Real Sociedad – Villarreal.
