Lideri spanjoll i La Ligës Atletico Madrid u mposht pas 15 fitoreve radhazi në të gjitha garat.
Në kuadër të xhiros 20 të La Ligës, skuadra madrilene u mposht nga Leganes me rezultat 1:0. Autor i golit ishte Matia Nastasiq në minutën e 49-të.
Me këtë fitore të bujshme, Leganes ngrihet në pozitën e 15-të dhe largohet nga zona e rrezikshme.
Skuadra nga veriu i Madridit me këtë fitore i bëri një favor të madh Realit, i cili nesër luan me Las Palmas dhe ka shanse të rrëmbejë kreun e tabelës.
Sulmuesi i Atletico Madrid Antoine Griezmann në minutën e fundit të ndeshje humbi penalltinë, pasi goditi dobët. Kjo është penalltia e tij e katërt e humbur në fanellën e skuadrës së tij.
Në ndeshjen tjetër të xhiros së 20-të, Girona pësoi si vendës nga Seville me rezultat 1:2. Sonte luajnë edhe Real Betis-Deportivo Alaves dhe Getafe-Barcelona.
