Meteoropatia është një fenomen që prek shumë njerëz në mbarë botën. Bëhet fjalë për një sërë shqetësimesh që lidhen me kushte të caktuara meteorologjike ose ndryshime të papritura të motit.
Qindra vjet më parë, babai i mjekësisë Hipokrati në librin e tij “On Air, Water and Places” vuri në dukje rëndësinë e mbrojtjes së shëndetit nga efektet e dëmshme të ndryshimeve të motit.
Ai këshilloi pacientët si të përballeshin me ndryshime të tilla dhe, gjatë periudhave të paqëndrueshmërisë meteorologjike, i ndalonte pacientët të nxjerrin gjak dhe të pastronin zorrët e tyre.
Meteoropatia i referohet çrregullimeve neurovegjetative që ndodhin në kushte të caktuara klimatike.
Ato karakterizohen nga shfaqja e grupeve të ndryshme të simptomave dhe reaksioneve kur ndryshojnë një ose më shumë faktorë meteorologjikë.
Sa më të këqija të jenë kushtet e motit dhe sa më të papritura të jenë ndryshimet, aq më të theksuara janë problemet.
Simptomat e meteoropatisë zakonisht fillojnë të shfaqen 24 deri në 48 orë para ndryshimit të kushteve të motit, veçanërisht te njerëzit e ndjeshëm.
Problemet më të zakonshme për shkak të ndjeshmërisë ndaj ndryshimeve të motit:
– dobësi fizike, lodhje
– humor i keq, depresion, dëshpërim
– tension
– pagjumësi ose përgjumje
– migrenë
– marramendje
– depresion, nervozizëm ose ankth
– probleme me përqendrimin dhe reagime të ngadalta – të rrezikshme për shoferët
– dhimbje në zonën e plagëve dhe frakturave të vjetra dhe dhimbje të ndryshme fantazmë.
