Me përplasje dhe akuzave në mes pozitës dhe opozitës është zhvilluar mbledhja e Komisioni Hetimor Parlamentar lidhur me nivelin e menaxhimit të marrëdhënies së punës të anëtarëve të Shërbimit të Jashtëm dhe zyrtarëve të Ministrisë së Punëve të Jashtme dhe Diasporës, në të cilën ishte i intervistuar ish-sekretari i Ministrisë së Punëve të Jashtme dhe Diasporës, Behar Isma.

Përplasja erdhi pas pyetjes së deputetit nga partia në pushtet, Haxhi Avdyli, i cili ka pyetur për konkursin e vitit 2011, në të cilin sipas tij, kishte shkelje ligjore. Për këtë, Isma ka deklaruar se konkursi i vitit në fjalë ku janë punësuar disa diplomatë nga ministria e udhëhequr në atë kohë nga ish-ministri, Enver Hoxhaj, nga Këshilli i Pavarur Mbikëqyrës, është konstatuar se ata nuk janë pranuar në bazë të ligjit për shërbimet e jashtme dhe ligjit për shërbimin civil.

Për këtë, Behar Isma ka thënë se edhe Këshilli e konfirmon se këta nuk janë pranuar më bazë të ligjit për shërbimet e jashtme dhe ligjit për shërbimin civil. Këshilli i Pavarur Mbikëqyrës ka vlerësuar si kundërligjore këto sistemime edhe në shumë raste.

Ndërkaq, kryetarja e këtij komisioni, Time Kadrija ka pyetur nëse pozicioni i tij u mbështetet ligjërisht.

Isma ka theksuar se për pozicionin e tij nuk ka shkelje ligjore.

Pyetje në ketë drejtim pati edhe deputetja nga Partia Demokratike e Kosovës, Ariana Musliu-Shoshi.

Isma ka thënë se në raport nuk ka asnjë të gjetur mbi bazën e të cilave që mund të thuhet se vendimi ka qenë në kundërshtim me ligjin.

Pas kësaj, deputeti Haxhiu ka kërkuar të mbahet rend, pasi sipas tij, duhet më shumë rregull në mbarëvajtjen e komisionit.

Ndërsa, ka relikuiar deputetja, Shoshi duke thënë të mos komentojë pyetjet e saj. Për fjalët të deputetes ka reaguar Haxhiu, duke kërkuar nga kryetarja e komisionit të disiplinojë më shumë deputetin.

Ndërkaq, deputetja nga partia në pushtet, Fitore Pacilli ka pyetur a kishte shkelje të rëndë të ligjit me emërimin e këtyre pozitave.

Për këtë, Isma ka thënë se zyrtarët në mënyrë të kundërligjshme janë avancuar.

Mes tjerash, Pacolli ka pyetur se cila ministri ka qenë në krye kur kanë ndodhur këto shkelje.

Ndërsa, Isma ka thënë se në krye të saj ka qenë, ish ministri Enver Hoxhaj.

Ndërkaq reagime pati nga deputetja, Musliu-Shoshi, e cila ka thënë se rasti është në gjykatë.

Pas kësaj, deputetja Shoshi ka lëshuar sallën.

Në fund, Isma ka thënë së në kohën kur ka marrë pozitën në vitin 2022, në këtë institucion kishte gjetur parregullsi të ndryshme, përfshirë edhe 2.2 milionë euro avans.

Një ditë më parë pozitë e opozitë janë përplasur në Komisionin Hetimor.

Deputetë të Lëvizjes Vetëvendosje kishin deklaruar se kanë bërë reformë të thellë në këtë ministri nga viti 2019. Për këtë kanë reaguar deputetët e opozitës të cilët thanë se MPJD nuk po ofron dokumentacionet e kërkuara, ani pse disa herë kanë kërkuar materialet e nevojshme për hetim.