Zyrtare, Prishtina bëhet me portier të ri

Zyrtare, Prishtina bëhet me portier të ri

Butrint Bulliqi është lojtari më i ri i Prishtinës.

Gardiani ka nënshkruar kontratë tre-vjeçare me klubin nga kryeqendra e Kosovës. 19-vjeçari dhe vjen si përforcim nga skuadra e Flamurtarit, ka bërë të ditur klubi bardhekaltër.

Shtatlarti është zhvilluar si lojtar te Kosova e Prishtinës derisa më pas ka luajtur edhe për 2 Korrikun (grupmoshat e reja).


“Buti” ka qenë pjesë edhe e grupmoshave të reja të Përfaqësueses së Kosovës nga U-15 deri në U-19.

Ai shprehet i entuziazmuar pasi që arriti të bëhet pjesë e Prishtinës.

“Jam djalë i kryeqytetit dhe pjesë e Prishtinës jam që në vegjëli, por tani i’u bashkova ekipit edhe në fushën e blertë. Prishtina është klub i madh dhe të gjithë e dinë se është ndër klubet me histori të veçantë edhe në Ballkan. Ndjenja është e papërshkruar të jem pjesë e Prishtinës”, tha ai për faqen zyrtare të klubit.

“Synimet me Prishtinën janë titulli kampion. Ky do të jetë vit i kthesës së madhe për klubin tim të zemrës. Me angazhim dhe punë, besoj se do të arrijë të fitoj vend në përbërjen bazë. Prishtinës dhe “Plisave” ju premtoj maksimumin. Ngjyrat “bardhekaltër” të motivojnë vetvetiu. Dua t’i citoj vargjet e “Plisave”: Lufta jonë kurrë nuk ndalet”, shtoi në fund ai.

Lexo edhe

Video